Беш нафар хоккейчи "Ҳумо"ни тарк этди

Жамоа ҳужумчи Александр Меньшиков билан ҳар икки томоннинг ўзаро розилиги асосида шартномани бекор қилди.

Шунингдек, ҳимоячи Герман Беспрозванний ҳамда ҳужумчилар Александр Клюшниченко, Камиль Галимуллин ва Данил Григорьев билан синов шартномалари ҳам ўз ниҳоясига етди.

Эслатиб ўтамиз, "Ҳумо" ўтган ҳафтада Қозоғистон кубогида қатнашиб, ўз иштирокини гуруҳ босқичида якунлаган эди.