13 фев 15:35
Янгиликлар

Олимпия ўйинлари

Биатлон. Марте Олсбю-Ройселанн Пекин Олимпиадасида учинчи олтин медалини қўлга киритди

Теглар : Биатлон

Пекин Олимпиадасининг тўққизинчи кунига белгиланган баҳслар давом этмоқда.

Бироз аввал биатлон бўйича аёллар ўртасида тақиб этиш пойгаси якунланди. Унда норвегиялик Марте Олсбю-Ройселанн ғалаба қозонди. Иккинчи ўринни швециялик Эльвира Оберг эгаллади. Кучли учликка эса яна бир норвегиялик Тириль Экхофф якун ясаб берди.

Марте Олсбю-Ройселанн учун бу Пекин Олимпиадасидаги тўртинчи медаль ҳисобланади. У бугун учинчи олтин медалини қўлга киритди. У аралаш эстафета ва спринт баҳсларида ҳам чемпионликни тантана қилган эди. Шунингдек, Ройселанн 15 км.га ўтказилган индивидуал пойгада бронза медалига эга чиққан.

Биатлон. Тақиб этиш пойгаси 10 км. Аёллар

1. Марте Ольсбю-Ройселанн (Норвегия) – 34.46,9

2. Эльвира Оберг (Швеция) – 1.36,5

3. Тириль Экхофф (Норвегия) – 1.48,7