24 сен 13:44
Янгиликлар

Қишки спорт турлари

Россиялик биатлончининг иккита қишки Олимпиададаги медаллари қайта тақсимланадиган бўлди

Халқаро Олимпия қўмитаси Ижроия кенгаши Ванкувер-2010 ва Сочи-2014 қишки ўйинлари медаллари, дипломларини қайта тақсимлаш тўғрисидаги қарорини эълон қилди.

Қарор Швейцария Федерал трибуналининг май ойида россиялик собиқ биатлончи Евгений Устюговнинг дисквалификация бўйича сўнгги апелляциясини рад этиш ҳақидаги қароридан кейин қабул қилинди. Санкциялар Устюговнинг биологик паспортида топилган қоидабузарликлар ва Москва лабораторияси ахборот бошқаруви тизими далилларига асосланган.

Унинг 2010 йил январидан 2013/2014 йилги мавсум охиригача эришган барча натижалари расман дисквалификация қилинди.

Устюговнинг 2010 йилги Олимпиадада қўлга киритган олтин медали энди франциялик Мартин Фуркадга, Сочи-2014 ўйинлари эстафетасидаги олтин медали эса Германия терма жамоаси аъзолари Эрик Лессер, Даниел Боэм, Арнд Шриффер ва Арнд Шкиффга топширилади.