"Хабиб фаолиятини якунлаётганида унга қўлимдан келган барча нарсани таклиф қилганман" - Дана Уайт

"Хабиб ҳеч қачон қайтмайди. Ишонинг, у фаолиятини якунлаётганида унга қўлимдан келган барча нарсани таклиф қилганман. Яна бир жанг ўтказишга ёки фаолиятини давом эттиришга кўндиришга ҳаракат қилганман. Аммо у бунга хоҳиш билдирмади. Кормье билан ҳам худди шундай ҳолат бўлган.

Энди мен умуман бундай нарсалар ҳақида ўйламайман. Тахминий жангларни ёмон кўраман. Менга айнан ҳозир, шу ерда амалга ошиши мумкин бўлган воқеалар ёқади", — деди Уайт.

Хабибнинг ММАдаги ҳисобида 29 та жанг ва 29 та ғалаба бор. Ушбу ғалабаларнинг 19 таси муддатидан олдин якунланган. 2018 йил апрель ойида Хабиб UFC'нинг енгил вазн тоифасида чемпионига айланган ва кейинчалик чемпионлик камарини уч марта ҳимоя қилган.

Хабиб 2020 йил 24 октябрь куни Жастин Гэтжи устидан қозонилган ғалабадан сўнг фаолиятини якунлаган.