UFC 334 турнирининг бонус соҳиблари эълон қилинди

Асосий жанг иштирокчилари, иккиси бир бўлиб жами 400 та аниқ зарба берган оғир вазн тоифаси вакиллари - чемпион Сирил Ган ҳамда даъвогар Жош Хокит "Кечанинг энг яхши жанги" учун қўшимча 100 000 доллардан бонус, яъни мукофот пулига эга чиқди.

Америкалик жангчи ўзининг темп ва зарбани қабул қилиш қобилияти билан французга кўп муаммолар туғдирган бўлса-да, чемпион ўзини қўлга олиб, ҳал қилувчи бешинчи раундни ўз фойдасига ҳал қилди ва ҳакамларнинг якдил қарори (48-47, 48-47, 48-47) билан ғалаба қозонди. Хокит фаолиятидаги илк мағлубиятини айнан бугун Гандан қабул қилиб олди.  

Аёллар ўртасида енгил вазн тоифаси чемпиони Кайла Харриссон, турнирнинг иккинчи муҳим жангида икки вазнда собиқ чемпион Аманда Нуньесни тўртинчи раундда бўғиш усули билан таслим этди. Бу билан у ҳам 100 минг долларлик бонусга эга бўлди. Тўртинчи 100 000 долларлик чек америкалик Стивен Томпсонга насиб этди. У учинчи раундда айланма зарбаси билан Чарльз Радткни нокаутга учратди ва фаолиятини якунлаганини эълон қилди.

Муддатидан олдин ғалаба қозонган Сезар Алмейда ва Беатрис Мескуита 25 000 доллардан қўшимча мукофот олдилар. Жим Миллерни техник нокаут билан мағлуб этган Терренс МакКинни эса вазн ўлчовидан ўта олмагани сабабли бонусдан маҳрум бўлди.