ММА жамоатчилигининг Харрисон - Нуньес жангига муносабати: "Тарихдаги энг ёмон режа"

Жамоатчилик иккига бўлинди: бир томон енгил вазн тоифасидаги чемпионликни ҳимоя қилган америкаликнинг маҳоратини тан олса, иккинчи тараф бразилияликнинг икки карра Олимпия ўйинлари чемпиони бўлган дзюдочи билан партерда курашишга қарор қилганидан ҳайратда қолди. Натижада, тўртинчи раундда орқадан бўғиш орқали мағлуб бўлди.

Мэтт Браун: "Аманда бу жангда ўзи ютқазди. Тарихдаги энг ёмон жанговар режа".

Билли Куарантилло: "Менимча, Аманда Нуньес бу жангдаги ғалабани ўзи қўлдан бой берди".

Майрон Сантос: "Жиддий айтаман, сўзим йўқ. Нега, Аманда, нега?"

Валентина Шевченко: "Табриклайман, Кайла! Ажойиб жанг, тўғри тактика! UFC 334`нинг ҳақиқий асосий воқеаси!"

Генри Сехудо: "Мен сизларга Кайла сабмишн орқали ғалаба қозонишини айтган эдим!"

Коди Дёрден: "Кайла, шубҳасиз, тарихдаги энг буюк жангчи!"

Дастин Жейкоби: "Бу чинакам жанг бўлди! Иккала қиз ҳам бор кучини сарфлади ва ғалаба қозониш учун улкан ирода кўрсатди! Сизларга, хонимлар, таъзим қиламан! Эркакми ё аёлми, Кайла Харрисон энг бардошли жангчилардан бири! Таъзим, чемпион!"

Азамат Бекоев: "Кайла — темир хоним!"

Крис Киборг: "Табриклайман, Кайла! Агар ярим енгил вазнда "рақс"га тушиш учун рақиб қидираётган бўлсанг, мен ўшаман!"

Бретт Окамото (ESPN): "Бу жангни шунчалик узоқ кутдик, натижада Аманда Нуньес ўзнинг асосий устунликларидан ўзини маҳрум қилганини кўрдик. Албатта, Кайла Харрисонга ташаккур билдириш керак, лекин мен бошқача жангни кўришни жуда хоҳлардим".

Аарон Бронстетер (Sportsnet): "Харрисон Нуньеснинг навбатдаги хатосидан фойдаланиб, унинг бўйин соҳасини эгаллаб олди ва номдор рақибасини таслим этди. У енгил вазн тоифасидаги мутлақ чемпион бўлиб қолди. Бугун Харрисон ҳақиқий йиртқич бўлди. У яхшироқ эканлигини исботлади ва улкан жангчилик интеллекти ва бардошлиликни намойиш этди".

Дэнни Сегура (MMA Junkie): "Кайла Харрисон Аманда Нуньесни таслим бўлишга мажбурлади ва UFC камарини ҳимоя қилди. Харрисон ҳеч нарсага рози эмас, фақат олдинга интилади. Сизлар олдингизда энг юқори даражадаги ғолиб турибди. У 2018 йилда ММАда чиқишларни бошлаганидан бери шу лаҳза ҳақида гапириб келган".

Дэниел Рубинштейн: "Агар мутлақо энг ёмон жангчилик интеллекти ҳақида гапирадиган бўлсак, мана у. Ақлбовар қилмас режа. У ўзига-ўзи мураббий сифатида режани пухта тузди ва бу унга ғалаба келтирди".