30 июл 20:36
Янгиликлар
Биласизми? Рио-2016 Олимпиадасининг бокс мусобақаларидаги барча ҳакам ва реферилар четлатилганди
Washington Post нашри, 2016 йилги Олимпия ўйинлари бокс мусобақаларидаги адолатсизликлар ҳақида бир мақола эълон қилганди. Токио-2020 Олимпиадасидаги ҳакамликдан азият чекаётган пайтимиз, 4 йил олдинги воқеаларни эслаш зарар бўлмайди.
Рио-2016 Олимпия ўйинларида бир неча саволли вазиятлар юз берганди. Бир неча спортчилар ҳакамликдан азият чекишганидан норозилик ҳам билдиришганди ҳам. Ирландиялик боксчи Майкл Конлан очиқчасига ҳаваскор бокс тўла коррупция эканлигини иддао қилганди.
Ўшанда бокс ҳакамлик қўмитасини буткул тозалаш иши бошланганди. Иш эса Рио-2016 да ишлаган барча 36 рефери ва ҳакамларни четлатишдан бошланганди.
"Рио-2016 AIBA учун синиш палласи бўлди", -деган эди президент Чинг Куо Ву олимпиададан сўнг.
Эътироз билдирган спортчилар рўйхатида, Фазлиддин Ғоибназаровнинг рақиби Гарри Рассел ҳам бор эди. Расселнинг отаси "Менда ҳакамларни сотиб олиш учун пул йўқ", - деб фикр билдирган.
Қозоғистон вакили Вассилий Левитнинг россиялик Евгений Тишенкога қарши жангида россияликнинг ғалабаси эълон қилинганда эса, арена эътироз билдирганларнинг увиллашидан ларзага келганди.
Фикрлар