Бир ўлиб тирилган Бен Аскрен касалхонадан чиқди

Шифохонада унга мураккаб жарроҳлик амалиёти - икки ўпкасини кўчириб ўтказиш бўйича мураккаб операция ўтказилганди.

"Бу узоқ йўл бўлди, - дейди Аскрен ижтимоий тармоқларда эълон қилинган автомобилнинг йўловчи ўриндиғида уйига кетаётгани акс этган видеода, - ва у ҳали тугамади, чунки мен амалда юра олмайман. Мен буни ва бошқа кўп нарсаларни қайта ўрганишим керак бўлади".

Аввалги видеода Аскрен шифохонада тўртта клиник ўлимни бошдан кечиргани, 20 килограммдан ортиқ вазн йўқотгани ва тўшакда ётган вақтининг камида ярмини эслай олмаслигини айтган эди. Унинг касаллик тафсилотлари ҳали ҳам тўлалигича маълум эмас, гарчи унинг рафиқаси Эми яқинда улар яқин келажакда баъзи тафсилотларни баҳам кўришлари мумкинлигини айтган бўлса-да.

Маълум бўлишича, Бен Аскрен стафилококк инфекциясига чалинган, у катта эҳтимол билан бу касалликни кураш залида юқтирган. Шу фонда май ойининг охирида унда пневмония ривожланиб, ўпканинг жиддий шикастланишига олиб келган.