24 фев 19:08
Янгиликлар
"Биргаликда ғалаба қозонамиз". Александр Шербина мухлисларга мурожаат қилди
Ушбу муҳим ўйин олдидан тошкентликлар жамоаси сардори мухлисларга мурожаат қилди.
"Ҳурматли мухлислар!
Бутун мавсум давомида бизни тўхтовсиз тарзда қўллаб-қувватладингиз ва бу орқали ғалабаларимизга ёрдам бердингиз. Сиз бизнинг олтинчи ўйинчимиз бўлиб, қийин паллаларда кўмак бердингиз.
Айни пайтда олдимизда мавсумнинг энг муҳим ўйинлари турибди. "Торос" жамоаси ВХЛда кўп бор ғолиб бўлган. Аммо, биз ортимизда бутун Тошкент, бутун Ўзбекистон турганини ҳис қилиб турибмиз.
Биз фақат ғалаба учун ҳаракат қиламиз ва ишончимиз комилки, плей-офф ўйинларида бизни қўллаб-қувватлайсиз. Сизларни 26-27 февраль кунлари "Ҳумо Арена"да кутамиз. Биргаликда ғолиб бўламиз".
Эслатиб ўтамиз, "Ҳумо" ҳамда "Торос" қарама қаршилигидан сўнг жамоамиз 0:2 ҳисобида ортда бормоқда. Олдинда турган ўйинларда ғалаба "Ҳумо" учун сув ва ҳаводек зарур. Шундай экан, жамоамизни аренада бевосита қўллаб-қувватланг!
Фикрлар