Биргина курашчи қизимиз Осиё чемпионати бронза медали учун гиламга чиқади

Бугундан қитъа чемпионатида аёллар кураши бўйича беллашувлар бўлиб ўтмоқда. Бироз аввал илк кунги саралаш беллашувлари якунига етди ва кечки дастурда медаллар учун курашадиган спортчилар маълум бўлди. Бироздан сўнг бошланадиган беллашувларда терма жамоамизнинг ягона вакиласи Дилфуза Аймбетова бронза медали учун гиламга чиқади. 

-59 кг вазндаги Аймбетова 1/4 финалда мезбонлар вакиласи Танчолпон Кибалбековадан устун келди. Лекин 1/2 финалда хитойлик Жангга 0-10 ҳисобида ютқазиб қўйди. Дилфузанинг бронза медали учун баҳсдаги рақибаси япониялик Рисако Кинжо бўлади.

Бугунги беллашувларда иштирок этган қолган курашчиларимиз Жасмина Иммаева, Мадина Усмонжонова, Ариухан Жумабаева ва Валентина Торениязова саралашнинг илк учрашувларидаёқ мағлубиятга учраб, Осиё чемпионатидаги иштирокларини якунлашди.