12 дек 09:15
Янгиликлар

Бокс/ММА

Биринчи оғир вазнда WBO чемпиони илк ҳимоя жангини ўтказди

Буюк Британиянинг Борнмут шаҳрида профессионал бокс кечаси ташкил этилди.

BOXXER промоутерлик компанияси томонидан ўтказилган оқшомнинг асосий жангида биринчи оғир вазн (90,7 кг.гача) тоифасида WBO йўналиши чемпиони, британиялик Крис Биллам-Смит (18-1, 13 KO) польшалик тажрибали Матеуш Мастернак (47-5, 31 KO)га қарши рингга кўтарилди.

Ўн икки раундга мўлжалланган жанг муддатидан аввал якунланди. Саккизинчи раундда Мастернак жароҳати сабаб жангни давом эттира олмаслигини маълум қилди. 33 ёшли Крис Биллам-Смит учун бу илк чемпионлик ҳимоя жанги эди. У профессионал боксдаги фаолиятини 2017 йилда бошлаган. Шу йил май ойида Лоуренс Околини мағлуб этиб, WBO камарини қўлга киритганди.