14 май 12:28
Янгиликлар

Теннис

Бироздан сўнг Файзиев Самарқанд “Челленжер” турнирида кортга чиқади, Дўстов ҳам

Хабар берганимиздек, бугун Самарқанд шаҳрида “Челленжер” туркумига кирувчи турнирнинг асосий тўр баҳслари бошланди.

Соврин жамғармаси 75 000 АҚШ долларини ташкил қилувчи мусобақанинг асосий тўрида ҳамюртларимиздан Денис Истомин, Фаррух Дўстов ва Санжар Файзиев ўз имкониятларини синовдан ўтказишади. Бироздан сўнг мамлакатимизнинг иккинчи ракеткаси бўлган Файзиев биринчи давра учрашувида кортга чиқади.

Унинг рақиби босниялик Алдин Шеткич бўлади. Файзиев дунё рейтингида 482, Шеткич эса 251-ўринни эгаллаб турибди. Икки теннисчи шу кунгача ўзаро бир бор тўқнаш келишганди. Ўтган йилнинг октябрь ойида ўтказилган учрашувда Алдин зафар қучган эди.