02 окт 14:55
Янгиликлар

Теннис

Бироздан сўнг Истомин Нур-Султан турнири яккалигидаги иштирокини бошлайди

Хабар берганимиздек, Қозоғистоннинг Нур-Султан шаҳрида теннис бўйича "Челленжер" туркумига кирувчи турнир давом этмоқда.

Мусобақада мамлакатимизнинг биринчи ракеткаси Денис Истомин ҳам ўз маҳоратини намойиш этяпти. Ҳамюртимиз жуфтлик баҳсларидаги ғалабасидан сўнг бугун яккаликда ўз омадини синаб кўради. Дениснинг рақиби германиялик Юлиан Ленц бўлади.

Таққослаш учун, Денис Истомин айни пайтда ATP рейтингида 164, Ленц эса 264-ўринни эгаллаб турибди. Яъни, Истомин рейтинг жадвалида рақибидан роппа-роса 100 поғона юқорида жойлашган. Теннисчилар шу кунгача кортда ўзаро тўқнаш келишмаган.