"Бизда шундай шаклланган". Александр Усик Собиқ иттифоқ бокс мактаби муаммосини айтди

"Ҳаваскорлар боксида бўлганимизда биздан: “Фарқ нимада?” деб сўрашарди. Мен эса: “Ҳаваскорларда уч раунд, профессионалларда 12 раунд. Фақат шу”, дердим. Лекин фарқ жуда катта.

Тарихан Украина ва Собиқ Иттифоқ мамлакатларида бокс кўпроқ очко йиғишга қаратилган. Уч раунд урасан, ҳакамлар буни ҳисоблайди ва ғалаба қозонасан.

Америкаликлар ёки инглиз бокс мактабини олсак, улар кучли зарбаларга таянади. Камроқ ҳаракат қилади, лекин қаттиқ уради. Мушак — бу одат. Доим қаттиқ урсанг, кучли зарба берадиган бўласан.

Бизда эса очколик боксга ўрганишган. Шунинг учун қайта шаклланиш керак. Мураббийларимиз ҳам профессионал боксга мослашмаган. Мураббий ҳам ўзини қайта тайёрлаб, ўрганса — бу жуда яхши", — деди Усик матбуот анжуманида.