Блаховичнинг ҳамюрти Гусков билан эҳтимолий жанг ҳақидаги миш-мишларга ойдинлик киритди

Иво Бараневский мазкур турнирда жароҳат олган ҳамюрти Ян Блаховичнинг ўрнига Богдан Гусковга рақиб сифатида таклиф қилинганди.

"UFC мен ҳақимда ўйлаганидан хурсандман. Ҳозир шу вариантни кўриб чиқяпмиз. Богданга қарши жанг катта имконият ва шу билан бирга, таваккал эканини яширмайман. Бироқ ҳозир менежерим билан Мик Мэйнард ўртасида қизғин муҳокама кетяпти. Шундан кейин кўп нарса ойдинлашади", - дейди Иво.

Маълумот учун, 27 ёшли Иво Бараневский ҳали фаолиятида мағлубиятга учрамаган. У биринчи раундда Ибо Аслан ва Остин Лейнни нокаутга учратиб, UFC’да икки ғалабали серия билан келмоқда. Айни пайтда польшалик 6 июнь куни Лас-Вегасдаги турнирда Билли Элеканага қарши кечадиган жангга тайёргарлик кўрмоқда. 

UFC’даги дебют жангида Волкан Оздемирга муддатидан олдин мағлуб бўлган 33 ёшли Богдан Гусков эса ўша ягона мағлубиятини тўртта муддатидан олдинги ғалаба билан ёпди. Ўтган йилнинг декабрь ойида Ян Блахович билан дуранг натижа қайд этди. Айни пайтда ҳамюртимиз Лиганинг ярим оғир вазн тоифаси рейтингида кучли ўнталикни якунлаб турибди.