16 мар 14:54
Янгиликлар

Теннис

BNP Paribas Open. Анжелик Кербер иккинчи финалчи!

Индиан-Уэллс шаҳри мезбонлигида ўтаётган нуфузли WTA турнирида финалчилар маълум бўлди.

Сайёрамизнинг иккинчи рақамли теннисчиси Анжелик Кербер BNP Paribas Open турнирининг иккинчи финалчисига айланди. Германиялик теннисчи рейтингнинг 23-поғонасидан жой олиб турган швейцариялик Белинда Бенчичдан устун келди.

Кербер 1 соату 7 дақиқа давом этган учрашувда 6/4, 6/2 ҳисобида ғалаба қозонди. Анжелик Индиан-Уэллс турнири бош мукофоти учун канадалик Бьянка Андреескуга қарши кортга чиқади. Бьянка иккинчи ярим финалда украиналик Элина Свитолинадан устун келган.