BNP Paribas Open. Бугун финалда "ўзбек дербиси" бўлиб ўтади

Хабар берганимиздек, ушбу нуфузли турнирда мамлакатимизнинг биринчи ва учинчи ракеткалари Камилла Раҳимова ҳамда Мария Тимофеева ҳам муваффақиятли старт олганди. Иккала теннисчимиз ҳам рақибаларини ортиқча қийинчиликсиз, бир хил - 6/2, 6/2 ҳисобларида мағлуб этишган эди.

Қизиғи, бугун асосий тўрга йўлланма берувчи саралаш турнирининг финал учрашувида улар бир-бирларига қарши кортга чиқишади. Ушбу баҳс бизнинг вақт билан соат 23:00да бошланади. Бу теннисчиларимизнинг ўзаро ўтказадиган иккинчи учрашуви бўлади. Улар иштирокидаги илк баҳс 2024 йилнинг 24 августида АҚШдаги турнирда бўлиб ўтган ва унда Раҳимова 6/3, 6/0 ҳисобида ғалаба қозонганди.  

Таққослаш учун, Камилла Раҳимова айни пайтда дунёнинг 88-ракеткаси бўлиб турибди. Мария Тимофеева эса WTA рейтингида 156-поғонадан жой олган.