BNP Paribas Open. Дунёнинг биринчи ракеткаси бошлади

Дунёнинг биринчи ракеткаси Карлос Алькарас ўз иштирокини тўғридан-тўғри иккинчи даврадан бошлади. Испаниялик теннисчи ATP рейтингида 42-поғонани эгаллаб турган болгариялик тажрибали рақиби Григор Димитровни ортиқча қийинчиликсиз мағлубиятга учратди - 6/2, 6/3. 

Теннисчиларнинг ўзаро учрашувларидаги ҳисоб Карлос фойдасига йириклашди - 5:2. Олтмиш етти дақиқа давом этган баҳсда Алькарас 6, Димитров 1 та эйс зарбасини амалга оширди. Қўшхатолар Григорда кўпроқ бўлди - 5 га 2. Брейклар бўйича устунлик Карлос фойдасига - 3 га 0. 

Энди Карлос Алькарас BNP Paribas Open турнирининг учинчи босқичида Артюр Риндеркнешга қарши кортга чиқади. Франциялик теннисчи аргентиналик Хуан Мануэль Серундолонинг кортга чиқмагани ортидан курашсиз учинчи давра иштирокчисига айланди.