Бобур Қурбонов мағлубияти ҳақида фикр билдирди

“Жангни жароҳат сабабли тўхтатишга мажбур бўлдик. Олдин жароҳатим бор эди, кейинчалик ҳаммаси яхши бўлиб кетганди. Афсуски, яна қўзғади. Кўрдинглар, ҳеч қандай кучли зарба ўтказиб юбормадим ёки оғритиш усулига ҳам тушиб қолмадим. Яратганни айтгани бўлади. Шундай бўлиши керак экан бўлди. Кимдир шу ҳолатимдан маза қилмоқчи бўлса, мазза қилсин. Худо хоҳласа, янада кучли бўлиб қайтаман ва мени қўллаб турганларни ишончини оқлайман”,-деди Қурбонов.