Бобур Қурбоновнинг рақиби аниқ, жанг чемпионлик камари учун бўлади + ПОСТEР

Бобур Қурбонов 17 декабрь куни Москва шаҳрида бўлиб ўтадиган ММА Сериес 60  турнирида жанг қилиши тўғрисида хабар берган эдик. Ҳамюртимизнинг рақиби аниқ бўлди. Қурбонов 5 раундга мўлжалланган чемпионлик жангида мезбонлар вакили Сергей Бобришевга қарши октагонга кўтарилади. 

«Кутиш жонга тегди, шунинг учун ҳам қисқа вақт қолган бўлсада 5 раундлик чемпионлик жангини қабул қилишга рози бўлдик. Ё ҳаммаси ё ҳеч нарса», - деб ёзиб қолдирди спортчи Инстаграмда.

Эслатиб ўтамиз, Бобур Қурбонов сўнгги жангини МPL-4 да россиялик Владислав Шабалинга қарши ўтказиб ғалаба қозонган эди.