Богдан Гусков: "Анкалаев билан жанг ҳаётимни ўзгартириши мумкин"

Шунингдек, у россиялик спортчини ярим оғир вазн тоифасидаги энг кучли рақиб деб атади.

«Яхши янгиликни қабул қилиш учун менга вақт керак эмас. Менежерим Магомед билан жанг қилиш имконияти пайдо бўлганини айтганида, дарҳол: “Балким, айнан шу жанг менинг фаолиятим ва ҳаётимни ўзгартирар”, дедим.

Биз тайёргарлик йиғинини уч раундлик жанг учун олиб бордик. Энди беш раундда нима бўлишини кўрамиз. Бу мен учун илк бор беш раундлик жанг бўлади.

Анкалаев билан жанг мен учун Блаховичга қарши жангдан ҳам қизиқроқ. Магомед рейтингда биринчи ўринда турибди. Бу менинг ким эканимни кўрсатиб берадиган ҳақиқий синов. Мен 33 ёшдаман, кутиб ўтира олмайман. Менга фақат катта ном ва имконият керак», — деди Гусков.