Богдан Гусков Блахович билан жанг ҳақида: "Менга 7 ёки 8-ўриндаги жангчиларни беришса керак деб ўйлагандим"

Ушбу турнир доирасида ҳамюртимиз Богдан Гусков собиқ чемпион, польшалик Ян Блаховичга қарши жанг қилади. 

Спортчимиз ушбу турнир олдидан матбуот анжуманида саволларга жавоб қайтарди.

-Албатта сўнгги жангингдан кейин янада кучлироқ рақибга қарши жангни истагансан. Аммо Ян Блаховичдек катта номни олиш хаёлингга келганмиди? Одатда жангчилар уни мағлуб этгандан сўнг, кучли бешликка кириб олишлари мумкин бўлади. 

- Тўғрисини айтсам, турли номлар ҳақида ўйлагандим. Аммо Ян Блахович мен учун ҳақиқий "сюрприз" бўлди. Менга 7 ёки 8-ўринда турган жангчиларни беришса керак деб ўйлагандим. Аммо Янни беришди. Бу мен учун катта имконият. Умид қиламанки, барчасини уддалай оламан. 

Маълумот учун, Ян Блахович ҳозирда яримоғир вазн тоифасида 5, Гусков эса 11-ўринни эгаллаб турибди.