Богдан Гусков: "Бу вазиятда нима ҳақида ўйлаш керак эди?"

У жароҳат олган Халил Раунтри ўрнини эгаллаб, UFC Абу-Даби турнирида октагонга чиқади.

"Ҳикоя шундай бўлган: менежерим қўнғироқ қилиб, шундай имконият борлигини айтди. Мен эса: “Хўп”, дедим. У эса: “Мен сени мажбурламаяпман, ҳеч нарсани илгари сураётганим ҳам йўқ, лекин 24 соат ўйлаб кўр ва жавоб бер”, деди.

Суҳбат тугагач, трубкани қўйдим ва орадан 30 сония ҳам ўтмай: “Бу ерда нима ҳақида ўйлаш керак?” дедим. Дарҳол унга қайта қўнғироқ қилдим. Ростдан ҳам 30 сония ўтган эди. Чунки бу ерда ўйлайдиган нарсанинг ўзи йўқ эди.

Айримлар каби мен вазн қилишга улгура оламанми-йўқми деб ҳисоблаш, қанча вазн ташлашим кераклигини ўйлаш ёки кимдир 16 соат учиши кераклигини баҳона қилиш шарт эмасди. Хуллас, ҳамма рад этаверди. Мен эса самолётдан тушибоқ жанг қилишни ҳеч ким истамаслигини яхши билардим.

Ян Блахович вазн қилишга 24 соат кетганини айтди. Бу эртак, холос. Кейин менинг жангим эълон қилингач, ҳамманинг тили чиқиб қолди: кимдир таклиф бўлганини, кимдир рози бўлганини айта бошлади. Лекин охир-оқибат бу жангни Богдан олиб қўйганди", — деди Гусков.