Богдан Гусков: "Лос-Анжелесда – фақат жанглардан тушган даромад билан яшаб бўлмайди"

"Пул жиҳатидан Лос-Анжелес умуман даҳшатли шаҳар.

Фақат жанглардан тушган даромад билан яшаб бўлмайди. Охирги сафаримда ўн минг доллар сарфладим. Масалан, бошланғич гонорар 12 минг доллар бўлса, қандай қилиб яшайсан? Агар таваккал қилиб, Москвада машқ қилишни танласанг – ҳа, мумкин. Аммо Америкада – йўқ. Машинасиз ҳеч қаерга боролмайсан. Ундан ташқари, турар жой, овқат... Биргина яхши томони – ҳар куни UFC PI’да овқатланиш мумкин, бу билан ҳеч қандай муаммо йўқ.

Лос-Анжелесдаги нархлар ҳақиқий оғриқли мавзу. Мен ҳар доим сифат учун пул тўлашга тайёрман, аммо 38-40 долларга шўрва – бу ортиқча. Ҳеч қаерда автотураргоҳ йўқ. UFC бизга даунтаунда жуда зўр меҳмонхона ижарага олган, 64-қаватда яшадик, ҳаммаси ажойиб. Аммо унинг ёнидаги парковка кунига 70 доллар туради. Шундоқ ҳам машина учун 2000 доллар сарфлаган эдим.

Яна бир муаммо – биз яшаган жой жиноятчилар кам ҳудуд ҳисобланарди, аммо доимий равишда отишмалар, полиция, осмондаги вертолётлар. Ҳар қадамда қочоқлар. Ва менга тушунтиришларича, уларнинг оддий одамлардан кўпроқ ҳуқуқлари бор. Шунинг учун улар ўзларини сурбетларча тутишади. Вегасда ҳам қочоқлар бор, лекин улар билан кўп тўқнаш келмайсан. Бу ерда эса Starbucks’га кирсанг, сени кофе сотиб олишга шунчаки мажбур қилишади", – деди Богдан Гусков.