Богдан Гусков UFC'да ўзи жанг қилишни истайдиган рақиблар номини айтди. Улар орасида собиқ рақиби ва қиёфадоши ҳам бор

У кузда жангларга қайтмоқчи.

"Доминик Рейес, Энтони Смит билан жанг қилмоқчиман. Шунингдек, Волкан Оздемир билан реванш жангини ўтказишни хоҳлардим. Аммо энди ғалабадан сўнг у кучли бешликка кўтарилди, шунинг учун бу мендаги энг нореал вариант бўлса керак. Лекин у камар йўлида экани учун қизиқ, мен у билан тўлиқ тайёргарликда ўз кучимни синаб кўрмоқчиман. Энди мен бунга яхшироқ тайёргарлик кўришим мумкин ва бизнинг жангимиз янада қизиқарли бўлади", деди Гусков.

Маълумот учун, Богдан Гусков (16-3) UFC'да ҳозиргача 3 та жанг ўтказиб, 2 ғалаба ва 1 та мағлубиятни ўз ҳисобига ёздирди. У ўзининг сўнгги жангини 27 апрель куни америкалик Райан Спэннга қарши ўтказиб, иккинчи раундда нокаут орқали ғалаба қозонди. Айнан шу жангдан сўнг ангренлик юртдошимиз UFC рейтингида 12-ўриндан жой олди.