Богдан Гусковнинг мураббийи Крилов билан жанг учун тахминини айтди

- Богданнинг тайёргарлиги қандай кетмоқда?

- У бунгача ҳам яхши формада эди. Шунчаки уни жанггача тайёрламоқдамиз. Тезкорлик, чидамлилик доимо керак ва асосий эътиборни шунга қаратяпмиз. 

- Унинг жанги учун тахминингиз қандай? 

- Фақат ва фақат ғалаба. Биз фақатгина ғалаба учун машғулотлар олиб боряпмиз. Бошқача бўлиши ҳам мумкин эмас. 

- Богдан қай тарзда ғалаба қозонади деб ўйлайсиз? Тўлиқ давом этадими ёки финиш кўрамизми? 

- Буни олдиндан айтиш қийин. Спорт нималигини жуда яхши биламиз. Биз ҳозир исталган гапни айтишимиз мумкин. Лекин шуни айтишим керакки, у тайёр. Аммо буни қай тарзда амалга оширади, ўша пайт кўрамиз, - деди мураббий Olamsport.com сайти журналисти Азиз Тўхтамуродов билан суҳбатда.