Бокс бўйича терма жамоамизга жами беш нафар қозоқ миллатига мансуб боксчи жалб қилинади

“Мени мураббийлик фаолиятим 2009 йилдан бошланган. Ҳозирга келиб, терма жамоада мен тарбиялаган битта боксчи қолди. У ҳам бўлса, Баҳодир Жалолов. Қолганларнинг барчаси профессионал боксга ўтишди. Муроджон Аҳмадалиев, Санжар Турсунов, Элнур Абдураимов, Исроил Мадримов каби боксчилар Чирчиқ спорт мактабидан чиқишган. Шунингдек, беш йил давомида Руслан Абдуллаевга мураббийлик қилдим. Ўз вақтида уни тажрибали мураббий Ергали Абубакирули олдимга олиб келганди. Ундан умидларимиз катта. 

Умуман олганда, Руслан Абдуллаевдан ташқари, яна тўрт нафар қозоқ миллатига мансуб боксчилар мамлакат чемпионатида совриндор бўлишди. Энди улар ҳам терма жамоага жалб қилинади ва халқаро мусобақаларда иштирок этишади”, — деди терма жамоамиз бош мураббийи.