Бокс. Кимда қанча Рио-2016 лицензияси бор? Бизда тўлиқ

Унда 92 давлатдан 375 нафар боксчи иштирок этаяпти. Бугун якунига етадиган мусобақада жами 39та лицензия берилади. Бу борада Рио-2016 учун эркаклар ўртасида сўнгги саралаш турнири – WSB/APB йўналишлари бўйича июнь-июль ойларида София шаҳрида ташкил этилиши режалаштирилган. Унда ярим профессоналларга  жами 26 та йўлланма тақдим этилади.

Аёллар ўртасида эса саралаш турнирлари якунига етган. Шу ўринда бўлажак олимпия ўйинларига қайси давлат спортчилари қанча йўлланмани қўлга киритгани борасида айрим маълумотларни етказиб қўйсак. Умуман олганда, ҳозирга қадар 62та давлат спортчилари бокс бўйича йўлланмага эгалар. 

Эркаклар ўртасида Ўзбекистон, Қозоғистон ва Куба терма жамоалари  муддатидан аввал тўлиқ 10та йўлланмани қўлга киритиб бўлишган. Буюк Британия ва Россия боксчилари эса ҳозирча 8 та лицензияни нақд қилишган.

Эътиборлиси, ҳозирча Украина, Беларусь, Польша, Венгрия, Руминия, Пуэрто-Рико, Эрон, Ҳиндистон, Иордания, Япония, Қирғизистон каби авваллари олимпия ўйинларида медал учун даъвогарлик қилган давлатларда биттадан йўлланма бор.

Шунингдек, Болгария, Швеция, Финландия, Туркманистонда эса ҳали эркаклар ўртасида бирорта ҳам лицензия йўқ. Аёллар ўртасида эса энг кўп учта йўлланмани Хитой ва марокашликлар қўлга киритган. Россия, Франция, Буюк Британия, Бразилия, АҚШ, Канада, Қозоғистонда иккитадан йўлланма мавжуд.

Шу ўринда бу йил 51 кг вазн тоифасида ҳамюртимиз Ёдгорой Мирзаева ҳам олимпия ўйинларида юқори натижа учун кураш олиб боришини таъкидлаш ўринлидир.

5 август куни бошланадиган тўрт йилликнинг энг нуфузли мусобақасида ҳаваскор бокс бўйича жами 286 нафар спортчи иштирок этади. Уларнинг 250 нафари эркак, 36 нафари аёл боксчилардан иборат бўлади.

Эркаклар ўн (49, 51, 52, 60, 56, 75, 60, 64, 69, 75, 81, 91 ҳамда +91 кг), хотин-қизлар эса уч (51, 60, 75 кг) вазн тоифаларида чемпионлик учун рингга кўтарилади.

Улуғбек Ҳакимжонов тайёрлади, ўз мухбиримиз