"Болам касаллигида ва шу сафар". Оксана Чусовитина йиғлаган дамлари ҳақида гапирди

- Миллий олимпия қўмитасининг байроқдорни ўзгартириш қароридан сўнг сиз "мотивацияни ўлдиришди" дея муносабат билдирдингиз. Профессионал спортчи учун мотивация нима? Бу нималарда акс этади?

- Спортчининг мотивацияси... Буни тушунтириб бера олмайман, буларнинг барчаси ич-ичимда рўй берди. 

Мен позитив инсонман, доимо қандайдир ёмон нарсадан ҳам яхшилик излаб, ўзимни хотиржам қиламан. Ҳаётимда икки маротаба йиғлаганман: Биринчиси болам касал эканлигида (2001 йилда Оксананинг икки ёшли боласида леймия касаллиги аниқланган - таҳр.) ва шу сафар. Ўша пайт жуда оғир бўлди. Ўзимни мусобақага тайёрлаш учун ўзим билан гаплашдим, аммо келиша олмадим. Агар бу нарса аввалроқ рўй берганида балки хотиржамроқ бўлардим, аммо мусобақага бир кун қолганида...

Мен мусобақага чиққанимда ўзим билан бирга бўладиган "олов", энергия йўқ эди. Худди унга сув қуйиб юборишганди. Тутамоқда, лекин олов ёниб кетмаслигини тушунасан. Шунда барчаси афсусланарли эканлигини тушундим, аммо, шундай бўлиши керак экан", - дея Чусовитинанинг сўзларидан иқтибос келтирмоқда Anhor.uz сайти.