14 окт 10:20
Янгиликлар

Шахмат

Бош соврин “SPARK” автомашинаси бўлган онлайн шахмат мусобақаси авжида

Жисмоний тарбия ва спорт вазирлиги Esports Uzbekistan федерацияси ҳамда Sport Luxury Event Promotion билан ҳамкорликда жорий йил 20 июлдан шахмат бўйича онлайн Ўзбекистон мусобақасини ўтказаётганидан хабарингиз бор.

«Уйда қол ва ғалаба қозон!» шиори остида ўтаётган мусобақанинг шу кунгача учта саралаш босқичи якунига етиб, натижаларга кўра 300 нафар ҳаваскор шахматчи жорий йил 20 декабрь куни Тошкентда ўтказиладиган GRAND FINAL йўлланмасини қўлга киритиб улгуришди.

Шу кунларда эса шахмат бўйича онлайн Ўзбекистон мусобақасининг 4-тур баҳслари қизғин давом этмоқда. Мусобақада иштирок этишни истаган юртдошларимиз ҳозироқ рўйхатдан ўтиб, баҳсларга қўшилиши ҳамда омади чопса, энг кучли шахматчилар қаторида GRAND FINAL иштирокчисига айланишлари мумкин. Шундай экан, имкониятни қўлдан берманг. Дарҳол рўйхатдан ўтинг, шахмат ўйнанг ва GRAND FINAL иштирокчисига айланинг!

Эслатиб ўтамиз, шахмат бўйича онлайн Ўзбекистон мусобақасининг мутлоқ ғолиби “SPARK” автомобилини қўлга киритади.