UZ

Сўнгги янгиликлар

10:57Амалдаги Australian Open чемпиони 15 ёшли рақибасига ютқазиб қўйди 0 10:29Australian Open. Федерер 1/8 финалга чиқди 0 10:00Чинозда оммавий спорт тадбири ўтказилди 0 09:38Холанд Бундеслига рекордини ўрнатди 0 09:04Профессионал боксчимиз Равшанбек Умурзоқов кутилмаганда техник нокаутга учради 1 08:40Тошкент туман БЎСМда эркин курашчилар жам бўлди 0 08:18Тель-Авив Гран-приси. Бугун беш нафар дзюдочимизга мухлислик қиламиз 0 07:42Футбол. Бугун Олимпиада йўлланмаси учун Австралияга қарши ўйнаймиз 0 21:55Расмий хабар: Бокс бўйича Токио Олимпиадасига лицензия берувчи мусобақа қаерда ўтказилиши маълум 1 17:45Жокович фаолиятида 50-маротаба "Улкан тож" 1/8 финалига чиқди 0 17:365 та муҳим ташаббус: Бухоро вилоятида эркин кураш бўйича мусобақа ўтказилди 0 17:19Жошуага қарши жанг қилиш Уайлдер учун қизиқ эмасми? 0 16:37U-23 Осиё чемпионати. Австралия - Ўзбекистон учрашуви ҳаками маълум 1 16:02Ян кимга қарши жанг қилиши маълум 0 15:40Бокс бўйича собиқ мутлақ чемпиони UFC президентига мурожаат билан чиқди 0

22 май 16:43
Янгиликлар

Тадбирлар, Токио-2020

Бош вазир Абдулла Арипов иштирокида спортга бағишланган селектор ўтказилди

Бугун Вазирлар Маҳкамасида юртимиз спортидаги мавжуд муаммолар, Токио-2020 Олимпиадасига тайёргарлик масалаларига бағишланган селектор йиғилиши бўлиб ўтди.

Ёдингизда бўлса, 15 май куни Миллий олимпия қўмитасида навбатдан ташқари йиғилиш ўтказилган эди. Ўзбекистон Республикаси бош вазири Абдулла Арипов бошқарган ўша йиғилишда миллий олимпия қўмитаси президенти Умид Аҳмаджонов ўз лавозимидан озод этилганди. 

Абдулла Арипов танқидий руҳда ўтган ўша йиғилиш якунида бир ҳафтадан сўнг федерация раҳбарлари билан Вазирлар Маҳкамасида учрашишини айтганди. Бугун ўша белгиланган муддат етиб келди ва айтилган манзилда МОҚда бошланган йиғилишнинг иккинчи қисми бўлиб ўтди. 

Olamsport.com cайтига маълум бўлишича, йиғилишда асосан олимпия оиласига мансуб спорт федерациялари раҳбарлари иштирок этган. Бош вазир миллий олимпия қўмитаси фаолияти, спортчиларимизнинг Токио-2020 Олимпиадаси лицензиялари йўлидаги кураши ва бошқа қатор масалаларни кескин танқид остига олди. 

Жумладан, Абдулла Нигматович Олимпиадага бир йилдан сал кўпроқ вақт қолган бир пайтда бор йўғи иккита лицензия қўлга киритилгани, бундан тўрт йил аввал худди шу вақтда лицензиялар сони 10 тадан ошиқ бўлганини алоҳида урғулади. 

Ўз ўрнида 17 та истиқболли олимпия спорт турлари федерациялари раҳбарлари асосий лицензион турнирлар олдинда эканлиги, Токио-2020 учун камида 100 та лицензия қўлга киритилишини айтишди.    

Бир ҳафта аввал МОҚда ўтган йиғилишда қатор федерация мутасаддилари миллий олимпия қўмитаси томонидан олиб борилган молиялаштириш тизимидан норози бўлишганди.  

Жумладан, Ўзбекистон Rowing & Canoe федерацияси номидан сўзга чиққан Татьяна Маматқулова йиллик тақвимдан ўрин олган мусобақалар, хусусан лицензион турнирларга айнан молия тизими масаласи сабаб юборилмаганидан нолиган эди.

Бугунги йиғилишда Абдулла Арипов федерацияларни марказлашган ҳолда молиялаштириш масаласи миллий олимпия қўмитаси зиммасида қолиши, лекин бу жараён жиддий назорат қилиниши, спортчиларимизнинг йиллик тақвимга киритилган нуфузли мусобақалардаги иштироки таъминланишини айтди. 

Йиғилишда бош вазир Ўзбекистон миллий олимпия қўмитасининг янги раҳбари Рустам Шоабдураҳмоновга бошқарув тизими, кадрлар масаласини қайта кўриб чиқиш вазифасини топширди. 

Селектор йиғилишида Ўзбекистон футбол ассоциацияси фаолиятига ҳам тўхталинди. Абдулла Арипов ассоциация фаолияти қониқарсиз ҳолатда эканлиги, ислоҳотларга муҳтожлигини алоҳида таъкидлади. Бу гаплардан кўриниб турибдики, тез орада Ўзбекистон футбол ассоциациясида ҳам кескин ўзгаришлар рўй беради.

Рейтинг:    

Фикрлар

+1   
22 май 17:13:44
Admin
Òzbek futboli juda orqada qolib ketgan. Boks boyicha yomonmas. Qachon qarama maglubiyat.jaxon chempionatini orzu qilib otamiz shekilli. Nimadur qilish kere keskin buriliw qilish vaqti keldi shekilli
   
22 май 22:00:26
Jalol Axmedov
Qozog'istonda xotira turnirida 52kg 69 kg 2 chi juftlik 81 va +91 ikkinchi juftlikdagi hamyutlarimiz imkoniyatni boy berdi. Finalga 56 kg Samandar Holmurodov, 64 kg Jahongir Rasulov, 69 kg Xabibov Sherzodjon, 75 kg Atanazarov Rajabboy, 91kg Jamshid Abdullayev va +91 da Abdulla Hudoyberganovlar finalga chiqishdi
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг