27 окт 16:31
Янгиликлар

Волейбол

“Бош вазир кубоги”. Волейбол баҳсларида ғолиб ва совриндорлар маълум ФОТОГАЛЕРЕЯ

Жисмоний тарбия ва спорт вазирлиги ташаббуси билан вазирликлар, идоралар, хўжалик бирлашмалари, йирик корхона ва ташкилотларнинг марказий аппарати ходимлари ўртасида ташкил этилган волейбол бўйича “Бош вазир кубоги” мусобақаси якунланди.

Ўзбекистон жаҳон тиллари университетида ўтган аёллар ўртасидаги волейбол мусобақасининг сўнгги кунида Ўзбекистон Миллий ахборот агентлиги жамоаси бронза медали учун кечган кескин ва муросасиз баҳсда “Мактабгача таълим вазирлиги” волейболчиларини 2:1 ҳисобида таслим этди.

“Ўзбекистон темир йўллари” АЖ жамоаси мусобақада ғолибига айланди. Темирйўлчилар ҳал қилувчи финал учрашувида “Қишлоқ хўжалиги вазирлиги“ жамоасидан устун келишди.

Бугун мусобақа ғолиб ва совриндорларини тақдирлаш маросими пойтахтимиздаги муҳташам “Миллий” стадионида бўлиб ўтади.