Бразилияда аралаш қоидалар чемпионини ўлдириб кетишди

Globo Esporte хабарига кўра, 26 ёшли Алвеш кўча безорилари томонидан узилган тўппонча ўқига нишон бўлган. Мудҳиш воқеа Жуис-Форе шаҳрида бўлиб ўтган. 

Глианни шифохонага олиб боришга улгуришган. Аммо, у жароҳат жиддий бўлгани учун шифокорлар спортчининг ҳаётини сақлаб қолишолмаган. Айни пайтда полиция ушбу ҳолат юзасидан жиноий иш очган. Алвешнинг ўлимига икки киши сабаб бўлгани айтилмоқда. 

Маълумот учун, Глиан Алвеш Бразилиянинг Shooto! Brazil промоушенида ўз жангларини ўтказиб келган. У енгил вазн тоифасида ташкилот чемпиони ҳисобланарди. Ҳисобида 13 ғалаба ва 5 та мағлубият бор эди.