Breaking! "Ҳумо" келаси мавсумда ВХЛда қатнашмаслигини эълон қилди

Азиз мухлислар, азиз дўстлар!

Биз, «Ҳумо» хоккей клуби жамоаси, сизларга катта ҳурмат ва алангали муҳаббатимизни изҳор этмоқчимиз. Қисқа вақт ичида биз нафақат клуб тузишга, ўттиз йиллик обрўдан кейин хоккейни тиклашга, балки ушбу клубни Олий Хоккей Лигаси пешқадамлари сафига қўшишга муваффақ бўлдик. Ва албатта барчасини биргаликда қилдик!

Биз уч маротаба ОХЛ мавсумида томошабинлар сони бўйича рекордини янгилашга муваффақ бўлдик, плей-оффга босқичида спорт имкониятимиз бор эди, медиа оламида нафақат маҳаллий, балки халқаро майдондаги обрў-эътиборга сазовор бўлдик.

Айни вақтда бутун дунё коронавирус пандемияси билан боғлиқ бўлган синовли дамларни бошдан кечирмоқда. Ноқулай вазиятни тезда бартараф этиш йўлида ҳаммамиз давлат ва тиббиётнинг барча талабларига риоя қилиш жуда муҳимдир.

Ҳозирги кунда, пандемияга қарши кураш чоралари муносабати билан дунёнинг деярли барча мамлакатлари мисли кўрилмаган чеклаш чораларини кўрдилар, чегаралар ёпилди ва ҳаво, темир йўл ёки автомобиль йўли орқали трансчегаравий алоқа мавжуд эмас. Инфекциянинг тарқалиш кўламини ва янги коронавируснинг инсон ҳаёти ва соғлиғига таҳликасини инобатга олган ҳолда, мавсум олдидан тайёргарликнинг ва ВҲЛ чемпионатининг бошланиш вақти тўғрисида аниқ тушунча бўлмаган сабабли, шунингдек, у қай тарзда ўтказилишини ноаниқлигини ҳисобга олган ҳолда, клуб раҳбарияти «Ҳумо» Хоккей Клуби ОХЛ ва ҚРО чемпионатларида 2020-2021 мавсмида иштирок этмаслигига қарор қилди.

Бизни тушунишингизга умид қиламиз ва иштирок этганларнинг барчасига Ўзбекистондаги хоккейни ривожлантиришга қўшган ҳиссаси ва қисқа танаффусдан кейин албатта давом этадиган ёрқин лойиҳани амалга оширганликлари учун чуқур миннатдорчилигимизни билдирамиз. Россия Хоккей Федерациясига ва Олий Лигасига алоҳида ташаккуримизни изҳор этамиз. 

Бутун мавсум давомида биз уларнинг қўллаб қувватлашини сезиб турдик ва таъкидлашни жоиз топдикки, Чемпионатни ташкиллаштирилиш масалалари юқори баҳоларга сазовор.

Ҳар бирингиз хоккейни ва албатта «Ҳумо»ни қанчалик севиб қолганингизни тушунган ҳолда, гўзал хоккей оламига сизни тезроқ қайтариш учун қолимиздан келган барча имкониятларни ишга сўлишга ҳаракат қиламиз.

Барча хоккей мухлисларига ҳурмат билан ва сизни яқинда кўриш умидида,

«Ҳумо» хоккей клуби.