Британиялик пойгачилар "Формула-1" тарихига киришди

"Мерседес" ҳайдовчилари Жорж Расселл (5-ўрин) ва Льюис Хэмилтон (10-ўрин) ва Ландо Норриснинг (Макларен, 7-ўрин) туфайли британиялик ҳайдовчилар Формула-1 тарихидаги 10 000 баллик довондан ўтишди.

Энди британиялик пойгачилар умумий 10 001,78 баллга эга ва бу бир мамлакат ҳайдовчилари учун "Ф-1" даги рекорд кўрсаткичдир. Очколарнинг 40 фоиздан ортиғини Хэмилтон (4181,5 балл)тўплаган. Шунингдек Женсон Баттон (1235), Девид Култҳард (535), Найжелл Мансел (482), Жеки Стюарт ва Деймон Хилл (360 ) каби пойгачилар ҳам катта ҳисса қўшишиди.  

Британияликлар бу кўрсаткич бўйича ўз рақобатчиларидан анча олдинда: Германия пойгачиларида 7897,5 балл, финландияликларда 4346,5 балл, бразилияликларда 3421 балл, французларда 3376,4 балл бор.