Бу қизиқ. Соқол олмаслик, кийимни алмаштирмаслик ва плей-оффда хоккейчилар ишонадиган бошқа иримлар

Унда Тошкентнинг "Ҳумо" хоккей клуби ҳам иштирок этмоқда. Нефтекамскнинг "Торос" жамоаси билан қарама-қаршиликда тўртта ўйиндан сўнг ҳозирда 2:2 ҳисоби қайд этилмоқда. 

Ўзбекистон хоккей федерацияси матбуот хизмати плей-офф билан боғлиқ қизиқарли фактлар, аниқроғи хоккейчилар риоя қиладиган иримлар ҳақида маълумот берди. www.olamsport.com бироз таҳрир билан уларни эътиборингизга ҳавола қилади.

Хоккейчилар нимага ишонишади ва чемпионат тугашидан олдин уларга риоя қилишади?

1. Кубокка тегманг!

Агар кубокни ютишдан олдин унга тегсангиз, унга эга бўлиш ҳақидаги ўй-ҳаёларнни эсингиздан чиқаринг. NHLда, шунингдек, "Стенли Кубоги"нинг финал ўйинидан олдин, дастлабки совринларга Уэльс шаҳзодаси ва Кларенс Кемпбеллнинг совринларига тегиши ёмон урф деб ҳисобланади.

2. Соқол олманг!

Энг машҳур белгиларидан бири. Унга кўра профессионал хоккейчилар плей-офф ўйинлари пайтида соқол ёки соч олишмайди. Ушбу одат 1980 йилдан бошлаб "Стенли кубоги"нинг тўрт карра кетма-кет соҳиблари бўлмиш “Айлендерс” жамоаси ўйинчиларидан қолган.

3. Кийимни алмаштирманг!

Яна бир урф, хоккейчиларга ғалаба чизиғи пайтида ҳар куни бир хил кийим кийишни, лекин мағлубиятдан кейин дарҳол уларни ўзгартиришларини буюради.

4. "Клюшка"ни тўғри ўраб олинг!

Фақатгина плей-оффга эмас, балки доимий мавсумга ҳам тегишли бўлган ягона урф. Ҳар бир спортчида "клюшка" ўрашнинг алоҳида услуби бор бўлиб, бу ўзига яраша ўйин олди маросимдир.

Ушбу урфларнинг баъзилари нафақат хоккейчиларга, балки мухлисларга ҳам тегишли - уларнинг кўплари соч соқолларини олишмайди, "ғолиб" кийимларни эслайдилар. Баъзи ғарбий клублар ҳатто ечиниш хонасида, аренада жойлашган жамоа логотипига қадам босувчиларни ҳайдаб чиқариш учун махсус одамларни ёллашади.