Бу йил Тошкентда "Фьючерс" туркумидаги иккита халқаро теннис мусобақаси ўтказилади

"Бу йил Тошкент шаҳрида ҳар бирининг мукофот жамғармаси 15 000 АҚШ долларини ташкил қилувчи иккита халқаро ITF M15 теннис турнири ўтказилишини мамнуният билан хабар  қиламиз.

"Фючерс" туркумига кирувчи турнирлар ёш ва истиқболли теннисчиларга жаҳон рейтингида очколар учун курашиш, профессионал майдонда ўз маҳоратини намойиш этиш имконини беради. 

Турнир Ўзбекистон теннис жамоатчилиги учун муҳим воқеа бўлишини ваъда қилмоқда", дейилади федерация хабарида.