"Бу юқори даражали шахмат ўйини эди". Волкановски Махачевга қарши биринчи жангни эслади

Ушбу жанг 2023 йил 12 февраль куни UFC 284 турнирида бўлиб ўтган ва унда енгил вазн тоифасидаги чемпионлик камари учун кураш бўлган. Жанг ҳакамларнинг якдил қарорига билан Махачевнинг ғалабаси билан якунланган.

"Машғулотлар давомида менинг спарринг шерикларим одатда бир-икки мартагина оёққа ҳужум қилишарди. Улар тейкдаун қилишади, сўнг ундан давом эттиришарди. Менда кейинги ҳаракатлар бўйича тушунча шаклланарди.

Аммо Ислам билан бўлган жангда бундай бўлмади. Махачев тейкдаун қиларди, мен қарши ҳужум билан жавоб қайтардим, кейин у яна ҳаракат қилди — шу тарзда алмашиниб турдик.

Жанг давомида юзимдаги табассумни кўрган бўлсангиз керак — мен бу жараёндан завқ олганман. Бундай ҳолатда кўпчилик одамлар ҳаяжонга тушиб қоларди, лекин мен унинг нима қилишини ҳис қилардим.

Тан олиш керак, Ислам мени бир неча марта қийин аҳволга солди. Баъзи пайтларда мен уни тўхтатдим деб ўйлардим, у эса буни ҳис қилишга улгуриши биланоқ тактикани ўзгартирди ва ҳаракатда давом этди. Бу жанг ҳақиқий юқори даражали шахмат ўйинига ўхшарди", — деди Волкановски Sportskeeda нашрига.