Бугун 14:00. "Нефтчи" - "Андижон" ёхуд Суперлига йўлланмаси кимга насиб этади?

Учрашув соат 14:00да Фарғонадаги “Истиқлол” стадионида бошланади. "Истиқлол" аренасидаги учта расмий учрашув мухлисларсиз ўтишидан хабардорсиз.

Ўтиш ўйинининг асосий вақтида дуранг натижа қайд этилса, 15 дақиқадан икки қўшимча таймларга навбат берилади. Агар, экстра таймларда ҳам ғолиб аниқланмаса, пенальтилар сериясига мурожаат этилади.

Жамоаларга 5 нафар футболчи алмаштириш учун рухсат берилган. Бунда дастлабки 90 дақиқа ичида футболчи алмаштириш учун ҳар бир жамоага 3 тадан имконият тақдим этилади. Ўйин қўшимча таймларга қадар етиб борса, яна 1 мартадан футболчи алмаштириш мумкин бўлади. Умумий ҳисобда захирадан майдонга тушган футболчилар 5 нафардан ошмаслиги керак.

Ушбу беллашувни Ильгиз Танташев бошчилигидаги ҳакамлар бошқариб боради.

Ўтиш ўйини

НЕФТЧИ - АНДИЖОН

15 декабрь 2020 йил. Фарғона. "Истиқлол" стадиони. 14:00

Ҳакамлар: Илгиз Танташев, Ҳусниддин Шодмонов, Тимур Гайнулин, Ғайрат Жўраев

Назоратчи: Марат Исмоилов

Комиссар: Жаҳонгир Раҳматуллаев