Бугун Абдураимова Францияда дунёнинг 50-ракеткасига қарши кортга чиқади

Мукофот жамғармаси 125 минг долларни ташкил этувчи ушбу мусобақада ҳамюртимиз Нигина Абдураимова ҳам муваффақиятли старт олган эди. Кеча мамлакатимизнинг биринчи ракеткаси илк даврада швейцариялик Сюзан Бандеччини 6:4, 3:1 ҳисобида мағлуб этган эди. Сюзан иккинчи сетнинг тўртинчи геймидан кейин баҳсни давом эттира олмаслигини маълум қилганди. 

Бугун Абдураимовани мусобақанинг 1/8 финал учрашувида жиддий синов кутиб турибди. У дунёнинг роппа-роса 50-ракеткаси, россиялик Анна Блинковага қарши кортга чиқади. Блинкова Лимож турнирининг илк босқичида WTA рейтингида 514-поғонада бораётган украиналик Вероника Подрездан 6/3, 6/1 ҳисобида устун келганди. 

Таққослаш учун, Нигина Абдураимова WTA рейтингида 221-поғонадан жой олган. Абдураимова - Блинкова учрашуви бугун бизнинг вақт билан соат 19:00да бошланади. Бу теннисчиларнинг ўзаро илк учрашуви бўлади.