Жаҳон кубоги якунланди. Эркаклар терма жамоамиз биринчи!

Ушбу нуфузли мусобақада терма жамоамиз жами 12 та медални қўлга киритди, деб хабар бермоқда Ўзбекистон ҳаваскор бокс федерацияси матбуот хизмати. 

Ҳар доимгидек, эркаклар терма жамоамиз 3 та олтин, 1 та кумуш 2 та бронза медали билан яна умумжамоа ҳисобида биринчи ўринни эгаллади. Иккинчи поғонани Қозоғистон 3 та олтин, 3 та бронза медали билан банд этган бўлса, кучли учликни Франция терма жамоаси якунлаб берди.

Умимий жадвалда эса мезбонлар Хитой терма жамоаси 5 та олтин, 1 та кумуш, 3 та бронза билан биринчи ўринни банд этди. Бешта олтин, 3 та бронза билан Қозоғистон иккинчи, 4 та олтин, 3 та кумуш, 4 та бронзани қўлга киритган Ўзбекистон терма жамоаси кучли учликдан жой олди.

Ғолиб ва совриндорларимиз билан танишинг:

Олтин медаллар:

-60 кг. Абдумалик Халоков

-90 кг. Тўрабек Хабибуллаев

-80 кг. Жавоҳир Умматалиев

-57 кг. Нигина Ўктамова

Кумуш медаллар:

-50 кг. Асилбек Жалилов

-48 кг. Фарзона Фозилова

+80 кг. Олтиной Сотимбоева

Бронза медаллар:

-85 кг. Акмалжон Исроилов

+90 кг. Арман Маханов

-60 кг. Ситора Турдибекова

-75 кг. Азиза Зокирова