Бугун ATP Якуний турнирида 1/2 финаллар ўтказилади

Мусобақада гуруҳ босқичи якунланиб, ярим финалга йўл олган теннисчилар номи маълум бўлди. "Қизил" гуруҳда Новак Жокович юз фоизлик натижа билан квартет ғолиби сифатида ярим финалга йўл олди. Сербиялик юлдуз учинчи тур учрашувида россиялик Даниил Медведевни 6/3, 6/7(5), 7/6(2) ҳисобида таслим этди. Медведев 3 та мағлубият билан аутсайдер сифатида гуруҳда қолиб кетди. 

Гуруҳнинг учинчи тур иккинчи учрашувида дунёнинг еттинчи ракеткаси бўлиб турган россиялик Андрей Рублёв асосий рақиби, ATP рейтингида учинчи ўринда бораётган грециялик Стефанос Циципасдан 3/6, 6/3, 6/2 ҳисобида устун келди. 105 дақиқа давом этган баҳсда иккала теннисчи ҳам бир хил 10 тадан эйс зарбасини амалга ошириб, 2 тадан қўшхатога йўл қўйган. Андрей ўзаро учрашувларда ҳисобни минимал даражага қисқартирди - 5:6.

Бугун ATP Якуний турнирида 1/2 финал учрашувлари ўтказилади. Бизнинг вақт билан соат 18:00да дастлабки ярим финал жуфтлигида дунёнинг саккизинчи ракеткаси бўлиб турган Новак Жокович тўққизинчи ракетка, АҚШ вакили Тейлор Фрицга қарши кортга чиқади. Андрей Рублёв ва Каспер Рууд ўртасидаги иккинчи ярим финал учрашуви тунги 01:00да бошланади.