31 май 13:23
Янгиликлар

Футбол

Бугун "Энергетик-БГУ" ўйнайди, Яхшибоев эса майдонга тушмайди

Бугун Беларусь чемпионати 11-тури доирасидаги учрашувлар давом эттирилади.

Бугунги кун дастуридан ўрин олган баҳсларни "Энергетик-БГУ" - "Витебск" жамоалари иштирокидаги учрашув очиб беради.

"Энергетик-БГУ" таркибида бугун дисквалификация сабабли Жасур Яхшибоев кўриниш бермайди, Шаҳбоз Умаров эса асосий таркибда ўйнаши кутилмоқда. Айни дамда Жасур Яхшибоев ҳамда Гегам Кадимянлар 7 тадан гол уриб, чемпионат тўпурари бўлиб туришибди.

Эслатиб ўтамиз, "Энергетик-БГУ" турнир жадвалида 21 очко тўплаган ҳолда учинчи, "Витебск" эса 13 очко билан 10-ўринни эгаллаб турибди.