16 ноя 16:50
Янгиликлар
Норвегия россиялик ва беларуслик спортчиларнинг мусобақалар учун мамлакат ҳудудига киришини тақиқлайди
Бу ҳақда ҳукуматнинг расмий сайтида хабар берилди.
Қарорга кўра, Адлия ва жамоат хавфсизлиги вазирлиги Иммиграция бошқармаси ва полицияга тегишли кўрсатма юборади. Янги тартиб яқин вақт ичида кучга киради.
Ҳукумат баёнотида Россия спорти мамлакат ҳокимияти ва давлат тузилмалари билан чамбарчас боғлиқлиги қайд этилган. Шу боис, Норвегия ҳукумати фикрича, Россиянинг халқаро мусобақалардаги иштирокини Украинадаги урушдан алоҳида кўриб бўлмайди.
Норвегия бу қарорни Финляндия россиялик спортчиларнинг мамлакатга киришини чеклашини эълон қилганидан бир кун ўтиб қабул қилди. Финляндия тегишли қарорини 12 ноябрь куни билдирган эди. Халқаро конкида учиш иттифоқи (ISU) эса чекловни қўллаб-қувватламади. Ташкилот спортчилар ўз ҳукуматларининг хатти-ҳаракатлари учун жавобгар бўлмаслиги кераклигини таъкидлади.
Фикрлар