16 ноя 14:15
Янгиликлар
Zagreb Grand Prix 2026 турнирини иккита медаль билан якунладик
Икки ярим йиллик танаффусдан сўнг профессионал фаолиятини қайта тиклаган Париж-2024 Олимпиадаси чемпиони Диёра Келдиёрова бронза медалини қўлга киритди. Шунингдек, у ўз ҳисобига Лос-Анжелес-2028 Олимпиадаси йўлидаги 350 рейтинг очксини ҳам ўз ҳисобига қўшиб қўйди. Муҳими, Диёра секин-аста аввалги спорт формасига кириб бормоқда.
-81 кг вазн тоифасидаги тажрибали дзюдочимиз Муроджон Йўлдошев эса финалга қадар етиб бориб, кумуш медалга сазовор бўлди. Йўлдошев ҳисобига 490 рейтинг очкоси қўшилди.
Терма жамоамиз аъзоларидан Олимпия ўйинлари совриндори Давлат Бобонов, шунингдек, Азизбек Ортиқов, Арслонбек Тожиев эса саралаш босқичидаёқ рақибларига имкониятни бой беришди.
Шу тариқа, Ўзбекистон терма жамоаси 1 та кумуш, 1 та бронза медали билан 66 давлат орасида умумжамоа ҳисобида 13-ўринни эгаллади.




Фикрлар