Россия бокс терма жамоасига виза беришмади

Бунга Хорватия Туризм ва спорт вазирлигининг Россия терма жамоасини мусобақаларга миллий байроқ ва мадҳиясиз қўйиш ҳақидаги позицияси, шунингдек, Россия делегацияси аъзоларига виза бериш рад этилгани сабаб бўлди.

"Биз ўзимизнинг қатъий позициямизни бир неча бор билдирганмиз: Россия байроғи ва мадҳиясисиз халқаро мусобақаларда иштирок этмаймиз. Хорватиялик амалдорлар учун сиёсат яна бир бор спортдан устун келгани жуда афсусли. Бу узоқни кўра билмай қабул қилинган қарордан спортдаги фаолиятини энди бошлаётган ўсмирлар жабр кўргани икки карра афсусланарли. Аммо бокс мухлислари, биринчи навбатда, хорватиялик мухлислар янада кўпроқ зарар кўрди. Чунки жамоамиз таркибида Европа чемпионатига амалдаги жаҳон ва Европа чемпионлари бориши керак эди. Энг аввало, амалдорлар хорватиялик мухлисларни жазолашди — уларни жаҳон боксининг порлаб келаётган юлдузларини жонли кўриш имкониятидан маҳрум қилишди", — дея Россия бокс федерацияси бош котиби Александр Беспутиннинг сўзларини ташкилот расмий сайти келтирмоқда.

Эслатиб ўтамиз, бокс бўйича U-23 Европа чемпионати 15–24 ноябрь кунлари Хорватиянинг Пореч шаҳрида ўтказилиши режалаштирилган.