13 ноя 18:23
Янгиликлар

Бокс/ММА

46 ёшли Оверим UFC собиқ жангчисига қарши бокс қоидалари бўйича рингга чиқади + ПОСТЕР

Strikeforce`нинг собиқ оғир вазн чемпиони, UFC чемпионлик камари учун собиқ даъвогар Алистар Оверим ўзининг 46 ёшида ҳам жанг ўтказади.

Нидерландиялик аралаш яккакураш устаси навбатдаги жангини британиялик UFC собиқ жангчиси Жими Манувага қарши бокс қоидалари бўйича ўтказади. Уларнинг тўқнашуви 24 декабрь куни Дубайда ташкил этиладиган MVP турнири доирасида бўлиб ўтади.

Алистар ва Жими ўртасидаги жанг олти раунддан иборат бўлиб, оғир вазн тоифасида ўтказилади. Мануванинг аралаш жанг санъатлари бўйича рекорди 17 ғалаба (шундан 15 таси нокаут) ва 6 мағлубиятни ташкил этади. У профессионал фаолиятини 2008 йилда бошлаган.

Оверимнинг профессионал рекордида 47 ғалаба (шундан 25 таси нокаут) ва 19 мағлубият бор. Алистар ММА`да профессионал сифатида 1999 йил октябрь ойида дебют қилган.