Кейн миллий терма жамоалар тарихидаги энг яхши тўпурарлар рейтингида Левандовскига етиб олди

Бугун 33 ёшли англиялик футболчи Миллатлар лигаси доирасида Хорватияга қарши кечган ўйинда (2:1) 64-дақиқада пенальтини голга айлантирди.

Ушбу гол Кейн учун Англия терма жамоаси сафидаги 92-гол бўлди. Ушбу кўрсаткич бўйича у Левандовскини қувиб етди ва эркаклар ўртасидаги халқаро футбол тарихидаги энг яхши тўпурарлар рўйхатида у билан олтинчи ўринни бўлишиб олди.

Рейтингни португалиялик Криштиану Роналду (146 гол) бошқариб бормоқда. Кейинги ўринда аргентиналик Лионель Месси (126) жойлашган.

Қайд этиш жоизки, Хорватияга қарши баҳс Кейн учун Англия терма жамоаси тарихидаги 126-ўйин бўлди. Форвард Питер Шилтоннинг миллий жамоа сафидаги ўйинлар сони бўйича рекордини (125) янгилади.