Нурмагомедовнинг менежери ММА жамоатчилигидан узр сўради

Али россиялик жангчининг Абу-Дабида содир бўлган ҳодиса олдидаги хатти-ҳаракати учун ММА жамоатчилиги ва Амирлик аҳолисидан чин юракдан узр сўрайди.

"Мен чин юракдан афсусдаман. Содир бўлган воқеа ҳақиқий шармандалик. Умид қиламанки, бу ёш йигитлар бўлиб ўтган воқеадан яхши сабоқ олишади. Бундай ҳолат бошқа ҳеч қачон такрорланмаслиги керак. Барча йигитларимиз яхши намуна кўрсатиши лозим.

Мен бир неча кундан бери ухламай, вазиятни тўғрилашга ҳаракат қиляпман. Менимча, буни тузатишга қодир бўлган сўзлар йўқ. Мен Абу-Даби аҳолиси ва БАА раҳбариятига бундай ҳолат бошқа ҳеч қачон такрорланмаслигига кафолат бераман.

Биз мусулмон ўлароқ яхши инсон ва спортчи сифатида ҳаракат қилишимиз керак. Содир бўлган воқеа мутлақо қабул қилиб бўлмайди ва ҳеч қачон такрорланмаслиги керак", – деди Абдел-Азиз MMA Junkie нашрига берган интервьюсида.

Шу билан бирга, Али Усманнинг ҳаракатларини грузиялик жангчининг август ойида Тбилисидаги RAF турнири ортида доғистонлик курашчи Аҳмад Гажимагомедовга қўл кўтарганини оқламайди.

"Бир хато бошқасини оқламайди. Мен бу ерда ўтириб, ким нима қилди ёки қилмади деб муҳокама қилмайман. Бу йигитлар ёш ва уларнинг қанчалик нотўғри иш тутганини таърифлашга сўзларим йўқ. Иккала томон ҳам хато қилган деб ҳисоблайман ва бир хато бошқасини оқламайди. Бу ҳаммага яхши сабоқ бўлади.

Мераб бир неча ҳафта олдин шу ерда эди. Ҳаммаси жойида эди, у Хабибнинг залида шуғулланди. Ўйлайманки, инсон сифатида яхшиланишимиз керак. Бу хатодан сабоқ олишимиз лозим. Мен айбдорларни кўрсатмайман. Бу Абу-Даби аҳолиси ва шаҳарнинг ўзига нисбатан жуда ҳурматсизлик эди.

Биз яхшироқ бўлишимиз ва ўзимизни муносиброқ тутишимиз керак. Бу вазиятни бошқача ҳал қилиш мумкин эди, лекин спортчиларнинг эмоционал эканлигини тушунаман. Бироқ бу баҳона эмас. Ҳеч қандай баҳона йўқ. Содир бўлган воқеани тузатиш учун ҳеч нарса айта олмайман", – дея қўшимча қилди менежер.