"У билан ҳаммаси тамом бўлган". Оверим Макгрегор ҳақида

"Унинг организми беш йил аввал ҳам толиққан эди, шунинг учун унинг қайтиши мен учун UFC кўмагида пул ишлашга бўлган уринишдан бошқа нарса эмасди. Мен у учун яккакурашларда ҳеч қандай истиқбол кўрмаяпман. У билан ҳаммаси тамом. Ўйлайманки, чуқурроқ қараш керак: агар сен жанг қилмоқчи бўлсанг ёки умуман профессионал спортчи бўлсанг, маълум бир турмуш тарзига амал қилишинг шарт. Доимий равишда базмларда қатнашиб, спиртли ичимликлар ичиб бўлмайди. Тартиб-интизомга риоя қилиш керак, унинг ҳолатида эса мен буни кўрмаяпман.

Унинг юзига қаранг. Агар ўзингиз жангчи бўлсангиз, бошқа одамга қараб, у билан нималар бўлаётганини тахминан тушуниб оласиз. У энди аввалги йигит эмас. У энди жангчи эмас. Ҳа, шунчаки жангчи эмас. Ишончим комилки, у ҳали ҳам қайсидир янги келган жангчини яхшилаб уриб қўйишга қодир. Аммо энг юқори даражада чиқиш қила олмайди. Барча ҳурматимни сақлаган ҳолда айтаманки, мен у учун бундай имкониятни бошқа кўрмаяпман", — дея Оверимнинг сўзларини келтиради Bloody Elbow портали.